Gloria a Deus in altu de sos chelos
e paghe in terra a sos de limpios anelos.
Gloria in chelu e paghe in terra.

Pro sa gloria tua soberana
pighet sa pregaria fitiana,
e cun miradas de ispantu
a tie dicios e bantu,
a tie prellas e cantu.
Gloria in chelu e paghe in terra.

Deus e Segnore in chelu sobradu,
Cristos Gesus re de su creadu.
Fizu e Segnore, innotzente lizu,
Cristos Gesus de su Babbu assimizu.

Tue, chi nd’‘ogas su peccadu dae su mundu:
piedade dae s’intimu profundu.
Tue, chi nd’‘ogas dae su mundu sos peccados:
deh! faghe chi siemus perdonados.
Tue, chi sempre de su Babbu ses a fiancu:
chi sa piedade tua non benzat mancu.

Eterna gloria siat e onore tantu
ca tue solu ses su Santu e su Segnore,
cun su Babbu Mannu e s’Ispiritu Santu
eterna siat sa gloria ei s’amore.
Amen, Gesu.