Salve, custu caro linu,
de su sambene innotzente
de Cristos si nd’est pendente
atterremadu.

Pro burrare su peccadu
de sa gulpa originale
dei su favore mortale
cunvertesit.

E isse già ubbiesi
de cuddu fele aggiustadu,
li han sa morte dadu
sos mentzidos.

Autore de sa vida
chin tres giaos l’inclavesin
e pro nois totu pagheit
su criadore.

Pro su carignu de amore
retzeit morte crudele:
binu chinadu cun fele
avvelenadu.

Iss’est mortu e ispiradu,
Gesusu, fizu ‘e Maria,
retzende pro cumpagnia
duos ladrones.