A. (Versione comune)

Perdonu, Deus meu :
cunfesso ch’happo peccadu
cuntridu e umiliadu
pedo piedade.

Eterna Bonidade,
soberana clementzia,
a sa ‘ostra presentzia
sa culpa aburro.

Umile a sos pes curro
miseru peccadore
cun sintzeru dolore
e pianghende.

Ca so' ingulpadu, nende,
meda Bos happ'offesu,
lu sento, ah! grave pesu,
o Deus meus.

De milli gulpas reu
connosco chi happo erradu,
e tantu maltrattadu
su Signore.

Mi sezis Salvadore
misericordiosu,
mi dezis amorosu
un'isperantzia.

B. (Cantato a Giave sino agli anni ‘30)

Perdonu, Deus meu:
cunfesso ch’happo peccadu
e happo maltrattadu
su Segnore.

Sezis bois, Salvadore,
miserigordiosu
mi sezis amorosu
s’isperantzia.

Bi tenzo cunfidantzia
sentza mi ch’appaltare,
mi dezis perdonare
interamente.

Ispero in su presente
lassare s’antig’usu,
ne peccare piusu
mi preponzo.

A pes bostros mi ponzo
cale prodigu fizu
finas ch’in su disizu
happo a lograre.

Potan pro nois pregare
anghelos e santos
e cantos regnan e cantos
canten sa gloria. Amen