Pro Fizu meu ispiradu
a manos de su rigore.
Sette ispadas de dolore
su coro m’han trapassadu

Su coro porto frecciadu
de penas e de dolore.
Sette ispadas de dolore
su coro m’han trapassadu

Dae cando mi han leadu
su riccu meu tesoro.
Sette ispadas de dolore
su coro m’han trapassadu

Cun tantas furias ch’ignoro
comente mi est faltadu.
Sette ispadas de dolore
su coro m’han trapassadu

Judeos pro amore ‘e Deus
in custa fatale die.
Sette ispadas de dolore
su coro m’han trapassadu

Incravade puru a mie
a lados de Fizu meu.
Sette ispadas de dolore
su coro m’han trapassadu