Pigan a chelu cantigos divinos
a su supremu Deus laudende.
“Alleluja, alleluja” sun cantende
sos anghelos celestes cherubinos.

Sos pastores lontanos e vicinos
accudin in sa notte giubilende
e restan ammirados sos meschinos,
su Messia in sa grutta cuntemplende.

Gloria a tie, o Deus soberanu,
e paghe a sos omines in terra:
si ripitit Nadale ‘e fitianu.

S’arrivu tou cesset ogni gherra,
boltet in bonu su tempus tiranu
e appianet dogni cuntierra.

Donet sa paghe santa a dogni umanu.